नयाँदिल्ली । परराष्ट्रमन्त्री प्रदिपकुमार ज्ञवाली राइसिना डायलगको चौथो संस्करणमा सहभागि हुन आज नयाँदिल्ली आइपुगेका छन् ।
बिहीवार बिहान नयाँदिल्ली आइपुगेका परराष्ट्रमन्त्री ज्ञवालीले दिल्लीस्थित ताज प्यालेस होटलमा शुरु हुने राइसिना डायलगको चौथो संस्करणमा मन्तव्य दिने कार्यक्रम छ ।
राइसिना डायलगमा सहभागी हुनुभन्दा अघि मन्त्री ज्ञवालीले भारतीय विदेश मन्त्री सुष्मा स्वराजसँग भेटवार्ता गर्दै छन् ।
भारतको विदेश मन्त्रालयमा हुने दिवाभोजसहितको भेटमा नेपाल र भारतबीचका दुईपक्षिय विषयमा छलफल हुने बताइएको छ ।
त्यस्तै आजै हुने विदेश मन्त्रीस्तरिय औपचारिक बैठक बस्दै छ । सो बैठक नेपालमा केपी शर्मा ओलि नेतृत्वको सरकार गठन भए यता दिल्लीमा पहिलोपटक हुन लागेको हो ।
मन्त्री ज्ञवाली शुक्रबार नै स्वदेश फर्किने छन् ।
यो खबर पढेर तपाईलाई कस्तो महसुस भयो ?
प्रतिक्रिया