सिरी ‘ए’ फुटबलमा युभेन्ट्सको सहज जित

एजेन्सी । इटालियन लिग सिरी ‘ए’ फुटबल प्रतियोगिता अन्तर्गत लिगको शीर्ष स्थानमा रहेको युभेन्ट्स विजयी भएको छ । 

आइतवार राति सम्पन्न  भएको खेलमा युभेन्ट्सले सासोउलोलाई  ३-० गोल अन्तरले पराजित गर्दै जारी लिगमा सहज जित हात पारेको हो । युभेन्ट्सका लागि खेलको २३ औँ मिनेटमा सामी खेदिराले पहिलो गोल गर्दै क्लबलाई शुरुवाती अग्रता दिलाए ।


ADVERTISEMENT

एक पक्षिय रहेको खेलको पहिलो हाफसम्म १-० गोल अन्तरले अगाडि रहेको युभेन्ट्सले दोस्रो हाफमा थप दुई गोल ग-यो । 

खेलको ७० औँ मिनेटमा क्रिश्चियानो रोनाल्डोले गोल गर्दै क्लबको अग्रतालाई दोब्बर पारे । त्यस्तै ८६ औँ मिनेटमा एम्रि क्यानले गोल गरे । त्यसपछि खेलमा थप गोल भएन र खेल युभेन्ट्सले ३-० ले आफ्नो पक्षमा पा-यो ।

जितपछि युभेन्ट्सले २३ खेलबाट ६३ अंक बनाएको छ । दोस्रो स्थानमा रहेको नपोलीको ५२ अंक छ । 

Leave a comment