नेपालको पानी र जनताको लगानीलाई सार्थक तुल्याउने काम भइरहेको छ : मन्त्री पुन

तुलसीपुर । ऊर्जा, जलस्रोत तथा सिँचाइमन्त्री वर्षमान पुनले अबको तीन वर्षभित्र देशैभर विद्युत विस्तार हुने बताएका छन् ।  

रिपोर्टर्स क्लब दाङ शाखाले शुक्रवार तुलसीपुरमा आयोजना गरेको साक्षात्कार कार्यक्रममा बोल्दै मन्त्री पुनले नेपालको पानी र जनताको लगानीलाई सार्थक तुल्याउने काम भइरहेको उल्लेख गरे । “विभिन्न स्थानमा विद्युत् उत्पादनको काम भइरहेको छ, अबको पाँच वर्षमा जनताले मागेजति विद्युत उपलब्ध गराउनेतर्फ सरकार लागेको छ”, मन्त्री पुनले भने । 

“तुलसीपुर उपमहानगरपालिकासँग विद्युत् विस्तारका लागि साझेदारी कार्यक्रम गर्नेबारे कुरा भएको छ, अब दाङका २२ वटै नाकामा विद्युत् पु¥याउन लाग्नेछौँ”, उनले भने । 

अर्को फरक प्रसङ्गमा प्रदेश नंं ५ को राजधानी सबैलाई पायक पर्ने स्थानमा राखिनेमा जोड दिँदै मन्त्री पुनले “बाँके, बर्दियालगायत जिल्लाले पनि कुरा उठाएका छन्, राजधानीका लागि प्रदेशसभाले सबै स्थानीय तहको निकटताको हिसाबले स्थायी राजधानी तोक्ने”, उनले भने । 

 

यो खबर पढेर तपाईलाई कस्तो महसुस भयो ?