नेपाल खुल्ला छ .......

काठमाडौं । नेत्रविक्रम चन्द ‘विप्लव’ नेतृत्वको नेकपाले आह्वान गरेको नेपाल बन्दको कारण जनजीवन नराम्ररी प्रभावित बन्यो । 

पछिल्ला समय काठमाडौं उपत्यका लगायत देशभर आगजनी र बम विस्फोट गराइरहेको नेकपाको कारण आम मानिसमा त्रास फैलियो र उनीहरु सडकमा काम नपरी निस्केनन् । काठमाडौं उपत्यका छोडेर कुरा गर्ने हो भने देशका विभिन्न स्थानमा शंकास्पद वस्तुहरु भेटिए । यसकारण पनि आम नागरिकमा सन्त्रास फैलियो र उनीहरु नियमित कामकाजमा जान सकेनन् । 


ADVERTISEMENT

यसैबीच विवेकशील साझा पाटीमा आवद्ध पोखराका युवाहरुले बन्द विरुद्ध प्रदर्शनी गरेका छन्। पोखराको पृथ्वीचोकमा बन्द विरुद्ध प्रर्दशन गर्दै यूवाहरुले  बन्दले देश बन्दैन, बन्दको विकल्प खोजौँ, नेपाल खुला छु लेखिएको पम्प्लेट र प्लेकार्ड देखाउँदै नाराबाजी गरेका थिए । 

बिहीवार बिहानै पोखराको सभागृह चोक र भण्डाढीकमा शंकास्पद वस्तु फेला परेकोमा नेपाली सेनाको बम डीस्पोजल टोलीले सुरक्षित रुपमा डिस्पोज गरेको थियो । पर्यटकीय नगरी पोखरामा शंकास्पद वस्तु देखिएसँगै व्यवसायीहरु आक्रोशित भएका छन् । शान्तिपूर्ण काम गरेर  खाने वातावरण तय गर भन्दै यूवाहरु आक्रोशित भएर  प्रर्दशन गरेका हुन् ।

Leave a comment