काठमाडौं । श्रीलंकामा आइतवार भएको श्रंखलाबद्ध बम विस्फोटमा परी मृत्यु हुनेको संख्या २ सय ९० पुगेको छ भने ५ सयभन्दा बढी घाइते भएका छन् ।
इस्लाम धर्मावलम्बीहरुले इस्टर पर्व मनाइरहेका बेला तीन चर्च र तीन होटलहरुमा श्रृंखलाबद्ध बम विस्फोट भएको थियो ।
उक्त बम विस्फोटमा विदेशी नागरिकसहित २ सय ९० जनाको मृत्यु भएको बीबीसीले जनाएको छ ।
आक्रमणलगत्तै श्रीलंकाभर लगाइएको कर्फ्यू सोमवार बिहानबाट हटाइएको छ भने सामाजिक सञ्जालमा लगाइएको प्रतिबन्ध भने कायमै छ ।
घटनामा संलग्न रहेको आशंकामा प्रहरीले २४ जनालाई नियन्त्रणमा लिएर अनुसन्धान जारी राखेको जनाइएको छ ।
पक्राउ परेकाहरु सबै श्रीलंकाका नागरिक हुन् ।
बीबीसीका अनुसार पक्राउ परेका उनीहरुको सम्पर्क अन्तर्राष्ट्रिय संगठनसँग छ कि छैन भनेर अनुसन्धान भइरहेको जनाएको छ ।
यद्यपि आक्रमणको जिम्मा अहिलेसम्म कुनै पनि संगठनले लिएको छैन ।
श्रीलंकामा १० वर्षअघि सकिएको गृहयुद्धपछि भएको यो सबैभन्दा ठूलो बम विस्फोट हो ।
सन् २००९ मा २५ वर्षे लामो गृहयुद्ध भएको थियो ।
आक्रमणको विश्वव्यापी रुपमा आलोचना भएको छ ।
यो खबर पढेर तपाईलाई कस्तो महसुस भयो ?
प्रतिक्रिया