दुई धारमा राजपा, नियमित वा एकता महाधिवेशन गर्नेमा अन्यौल

काठमाडौं । राष्ट्रिय जनता पार्टी (राजपा) नेपाल पदाधिकारी समितिको बैठक आज पनि जारी छ । 

तीनदिन देखि जारी राजपा पदाधिकारी समितिको बैठक आज (बुधवार) बिहान ११ बजेदेखि पार्टी केन्द्रीय कार्यालय बबरमहलमा जारी भएको हो । 

बैठकमा महाधिवेशनको विषयमा केन्द्रीय भएको राजपा महामन्त्री केशव झाले जानकारी दिए । 

उता अध्यक्षमण्डलका संयोजक शरतसिंह भण्डारीले नियमित वा एकता महाधिवेशन गर्न प्रस्ताव राखेका थिए ।

जसमा अध्यक्ष मण्डलका छ सदस्यबीच दुइ धार देखिएको छ । 

महन्थ ठाकुर, राजकिशोर यादव, महेन्द्र राय यादव र अनिल झा नियमित महाधिवेशनको पक्षमा छन् भने भण्डारी र राजेन्द्र महतो एकता महाधिवेशनका पक्षमा छन् । 

पदाधिकारी बैठकमा नियमित महाधिवेशनमा जाँदा पार्टी बलियो नहुने र मतभेद कायम रहिरहने भएकाले पहिले एकता महाधिवेशन गर्नुपर्ने धारणा भण्डारी र राजेन्द्र महतोको छ । 

यो खबर पढेर तपाईलाई कस्तो महसुस भयो ?