नेपालको सनसनीपूर्ण जीत, १ विकेटले विजयी

काठमाडौं, २५ माघ– नेपालले आईसीसी डिभिजन टू अन्तर्गत नामिबियासँगको पहिलो खेलमा रोमान्चक जित निकालेको छ | नेपाल १ विकेटले विजयी भएको हो नामिबियाले दिएको १३९ रनको लक्ष्य पछ्याएको नेपालले ४९.२ ओभरमा ९ विकेट गुमाएर लक्ष्य पूरा गर्यो । नेपालले ४ बल मात्र बाँकी रहँदा जीत हासिल गरेको हो नेपाललाई जीतका लागि १ रन आवश्यक हुँदा वाइड बल भयो । त्यसअघि नेपालका बसन्त रेग्मीले चौका प्रहार गरेर नेपाललाई जीत नजिक पुर्याएका थिए । बसन्त रेग्मीले कूल २४ रनको योगदान दिए प्रतियोगितामा नेपालका तर्फबाट सरद भेषवाकरले सबैभन्दा २९ रन बनाए भने कप्तान पारश खड्काले १९ रन बनाए । रोहित पौडेलले १७ रन बनाए भने ज्ञानेन्द्र मल्लले १५ रनको योगदान दिए । सोमपाल कामीले १३ रनको योगदान दिंदा अन्य ब्याट्सम्यान चल्न सकेनन् यसअघि टस जितेर फिल्डिङ रोजेको नेपालले नामिबियालाई १३८ रनमै समेटेको थियो ।