अलपत्र यात्रु बोकेर हिडेको बस बर्दिवासमा दुर्घटना

काठमाडौं । काठमाडौंबाट उदयपुर हिडेको बस बर्दिवासमा दुर्घटना हुँदा सहचालकको मृत्यु भएको छ । काठमाडौंमा लकडाउनमा फसेका नागरिकहरुलाई उदयपुर लिएर हिडेको बा ३ ख ४०३६ नम्बरको बस बर्दिवास नगरपालिका वडा नम्बर ३ मा दुर्घटना भएको हो । मृत्यु हुने सोही गाडीका सहचालक पासाङ विक हुन् ।

सहचालक विकको निधन भएको र अर्काे एक जना गम्भीर घाइते भएको महोत्तरी जिल्ला प्रहरी कार्यालयले जनाएको छ ।

उक्त बसमा ३५ जना सवार रहेका र अन्य यात्रुको उद्धार गरी उदयपुर पठाइसकेको प्रहरीले जनाएको छ ।