बार्सिलोनाको अपराजित यात्रा कायम, आइबर २–० ले पराजित

काठमाडौं, ६ फागुन । स्पेनिस ला लिगामा बार्सिलोनाले अपराजित यात्रा कायम राखेको छ बार्सिलोनाले आफ्नो अपराजित यात्रा कायम राख्ने क्रममा आइबरलाई उसकै मैदानमा २–० ले हराएको हो । खेलमा बार्सिलोनालाई विजयी गराउन लुईस सुवारेज र जोर्डी अल्बाले एक एक गोल गरे जितसँगै बार्सिलोनाले लगातार ३१ खेलको अपराजित कीर्तिमानमा बराबरी गरेको छ । अब एक खेलमा अपराजित रहेमा बार्सिलोनाले नयाँ क्लव कीर्तिमान बनाउनेछ ला लिगाअन्तर्गत गएराति भएका अरु खेलमा भ्यालेन्सिया, सेभिया र आलाभेज विजयी भएका छन् । भ्यालेन्सियाले मालागालाई २–१ ले हराउँदा सेभियाले लास पाल्मासलाई २–१ ले तथा आलाभेजले डिपोर्टिभो ला कोरुनालाई १–० ले हराएको छ गएरातिका खेलपछि ला लिगाको अंक तालिकामा २४ खेलबाट ६२ अंक जोडेको बार्सिलोना शिर्ष स्थानमा छ भने एक खेल कम खेलेको एथ्लेटिको मड्रिड ५२ अंकसहित दोस्रो स्थानमा छ ।