नुवाकोट महोत्सवस्थलअघि भीषण आगलागी, दमकल नहुदा नियन्त्रणमा कठिनाई

विदुर, २२ फागुन । नुवाकोटको विदुरमा भिषण आगलागी भएको छ । सदरमुकाम विदुरमा जारी ५ औं नुवाकोट महोत्सव भइरहेको स्थान नजिकै आगलागी भएको हो ।आगलागी नियन्त्रणका लागि प्रहरी र स्थानीयले प्रयास जारी राखेका छन् । नगरपालिकामा आगो निभाउने दमकल समेत नभएकाले कठिनाई भएको बताइएको छ ।आगो निभाउन विदुर नगरपालिकामा दमकल समेत नभएपनि ट्यांकरबाट पानी ल्याएर तथा स्याउलाले निभाउने प्रयास जारी राखिएको छ । सो क्षेत्रमा पत्कर सुकेको स्थानमा अचानक आगलागी सुरु भएको थियो ।घटनाको विस्तृत विवरण आउन बाँकी रहेको छ ।