आज पनि घट्यो सुनको मूल्य

काठमाडौं – सुनको मूल्य आज पनि घटेको छ ।

तीन सातायताकै सस्तो भएको सुन ९६ हजार ४ सय रुपैयाँ कायम भएको छ ।

हिजो कायम भएको मूल्यमा सय रुपैयाँले सस्तिएर छापावाल सुन ९६ हजार ४ सय रुपैयाँमा कायम भएको हो ।

नेपाल सुनचाँदी व्यवसायी महासंघका अनुसार छापावाल सुनको मूल्य घट्दा तेजाबी सुन पनि सय रुपैयाँले सस्तिएर तोलको ९५ हजार ९ सय रुपैयाँ कायम छ ।

गत साउन २८ गते तोलाको ८५ हजार ४ सय रुपैयाँ कायम भएको सुनको मूल्य त्यसयता लगातार उकालो लाग्दै प्रतितोला एक लाख रुपैयाँ नाघेर केहि दिनदेखि घट्दो क्रममा छ ।

आज शुक्रबार चाँदी ३५ रुपैयाँ घटेर तोलाको १३ सय १० रुपैयाँ कायम भएको छ ।