काठमाडौं । कोरोना भाइरसका कारण संसारमा मास्क अनिवार्य लगाउनु पर्ने बनाइएको छ ।तर केहि देशमा मानिसहरुलाई मास्क नलगाए जरिवाना समेत गरिएको छ ।
बसमा चढ्दा होस् वा अन्य सार्वजनिक ठाउँमा हिँड्दा, मास्क अनिवार्य लगाउने पर्छ । बजारमा फरक फरक फेशनेबल मास्क आईरहेका छन् ।
यसैबीच बेलायतको म्यानचेस्टर सिटीमा एक मानिस मास्कको साटो सर्प बेरेर बसमा चढेका छन् । जसका कारण त्यहाँ रहेका अन्यको सात्तो गएको अन्तर्राष्ट्रिय सञ्चारमाध्यमहरुले बताएका छन् ।
यहि घटनाको एक भिडियो अहिले सामाजिक सञ्जालमा भायरल बनिरहेको छ । अनुहारमा सर्प बेरेको देखेर त्यहाँ रहेका सबै मानिसहरु डराए ।
उक्त व्यक्तिले सर्प अनुहारमा बेरेको देख्दा मास्क नै लगाएको हो कि जस्तो लाग्थ्यो । फेरि ति व्यक्तिले सर्प आफ्नो घाटीमा रगट्न थालेको भिडियो अहिले सामाजिक सञ्जालमा भाइरल बनेको छ ।
एजेन्सीको सहयोगमा
यो खबर पढेर तपाईलाई कस्तो महसुस भयो ?
प्रतिक्रिया