काठमाडौं, १ चैत – नेपालले एकदिवसीय अन्तर्राष्ट्रिय मान्यता पाउने भएको छ । यसलाई नेपाली क्रिकेटको अहिलेसम्मकै ठूलो उपलब्धिका रुपमा लिइएको छ ।नेपालले आज (बिहीवार) पपुवा न्यूगिनीलाई ६ विकेटले हराएपछि ओडीआई स्टाटसका लागि आफूले दाबी पक्का गरेको हो ।नेपालले अब नेदरल्याण्डसँग हुने खेलको नतिजा जस्तो आएपनि ओडीआईमा आफ्नो स्थान पक्का गरेको छ ।यसैबीच नेपाली क्रिकेट टोलीका कप्तान पारस खड्काले एकविदसीय अन्तर्राष्ट्रिय मान्यता पाएकोमा खुशी व्यक्त गर्दै धन्यवाद दिएका छन् ।उनले एक ट्वीट गर्दै सबैलाई खेलाडीलाई धन्यवाद दिएका छन् । उनले भनेका छन्, ‘नेपाल क्रिकेटको ऐतिहासिक यात्रामा सहभागी सबैलाई बधाई छ ।’
यो खबर पढेर तपाईलाई कस्तो महसुस भयो ?
प्रतिक्रिया