ललितपुर मेयर कप : एपीएफविरुद्ध ब्याटिङ गर्दै सुदूरपश्चिम

काठमाडौं । पहिलो संस्करणको ललितपुर मेयर कप महिला टी-ट्वान्टी क्रिकेट प्रतियोगिताको फाइनलमा अहिले एपीएफ क्लब र सुदूरपश्चिम प्रदेश भिड्दै छन् ।

टियु क्रिकेट मैदानमा एपीएफविरुद्ध सुदूरपश्चिमले शुरुवातमा ब्याटिङ गरिरहेको छ । टस जितेर सुदूरपश्चिमले ब्याटिङ रोजेको हो ।

आज बलियो टिम एपीएफ सुदूरपश्चिमलाई हराउँदै अपराजित रहेर च्याम्पियन बन्न चाहन्छ ।

एपीएफ लिग चरणमा अपराजित रहदै फाइनल पुगेको टिम हो ।

एपीएफले ४ खेलमा ८ अंक जोडेको छ ।

सुदूरपश्चिमले ४ खेलमा ६ अंक जोडेको छ ।

प्रतियोगिताको विजेताले ३ लाख नगद पुरस्कार प्राप्त गर्नेछ ।

यस्तै उपविजेताले १ लाख ५० हजार पाउने क्यानले जनाएको छ ।