नेपालमा कोरोना अपडेट : थप ४९६ मा संक्रमण, १३ जनाको मृत्यु

काठमाडौं । नेपालमा पछिल्लो २४ घण्टामा थप ४९६ जनामा कोरोना संक्रमण पुष्टि भएको छ । योसँगै नेपालमा कुल संक्रमितको संख्या दुई लाख ८० हजार ५२४ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना संक्रमणका कारण थप १३ जनाको मृत्यु भएको छ । नेपालमा कोभिड–१९ का कारण हालसम्म तीन हजार ५३ जनाले ज्यान गुमाइसकेका छन् ।

मन्त्रालयका अनुसार पछिल्लो २४ घण्टामा १३८ जना संक्रमण मुक्त भएका छन् । योसँगै देशमा कोरोना संक्रमण मुक्त हुनेको संख्या दुई लाख ७४ हजार १६५ पुगेको छ ।

हाल क्वारेन्टाइनमा ८५ जना छन् भने आइसोलेसनमा एक ३३०६ जना रहेका स्वास्थ्य तथा जनसंख्या मन्त्रालयले जनाएको छ ।

पछिल्लो समय नेपालमा कोरोना संक्रमणको जोखिम बढिरहेको छ । यसअघि आइतवार नेपालमा ३७६ जनामा कोरोना संक्रमण पुष्टि भएको थियो ।