स्रोत नखुलेको ८ लाखसहित एक जना पक्राउ

काठमाडौं । पर्साबाट स्रोत नखुलेको ८ लाख रुपैयाँसहित एक जना पक्राउ परेका छन् ।

वीरगञ्ज महानगरपालिका ६० स्थित सडकबाट स्रोत नखुलेको ८ लाख रुपैयाँसहित सोही महानगरपालिका ३ छप्कैया बस्ने ४८ वर्षीय श्रीभगवान प्रसाद कलवारलाई हिजो (मंगलवार) दिउँसो प्रहरीले पक्राउ गरेको हो ।

विशेष सूचनाको आधारमा जिल्ला प्रहरी कार्यालय पर्साबाट खटिएको प्रहरीले साईकलमा सवार कलवारलाई जाँच गर्ने क्रममा उक्त स्रोत नखुलेको रकम फेला पारी पक्राउ गरेको हो ।

उनलाई वैंक तथा वित्तीय संस्था सम्बन्धी ऐन, २०७३ विपरीतको कसूरमा अनुसन्धान भइरहेको जिल्ला प्रहरी कार्यालय पर्साले जनाएको छ ।