काठमाडौं । १८ वर्षीया किशोरीलाई जबरजस्ती करणी गरेको अभियोगमा एक जना पक्राउ परेका छन् । पक्राउ पर्नेमा सिन्धुपाल्चोक मेलम्ची नगरपालिका १ का ३४ वर्षीय वीर बहादुर तामाङ रहेका छन् ।
तामाङलाई हिजो (बुधवार) बेलुकी प्रहरीले पक्राउ गरेको हो ।
काठमाडौंको नागार्जुन नगरपालिका ६ फस्कुस्थित टहरामा तामाङले ती किशोरीलाई जबरजस्ती करणी गरेको भन्ने खबर प्राप्त भएपछि महानगरीय प्रहरी वृत्त स्वयम्भूबाट खटिएको प्रहरीले उनलाई पक्राउ गरेको हो ।
यस सम्बन्धमा थप अनुसन्धान गरिरहेको प्रहरी वृत्त स्वयम्भूले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया