३० वर्षीया महिलामाथि जबरजस्ती करणी, एक जना पक्राउ

काठमाडौं । काभ्रेपलाञ्चोकमा ३० वर्षीया महिलालाई जबरजस्ती करणी गरेको अभियोगमा एक जना पक्राउ परेका छन् । पक्राउ पर्नेमा महाभारत गाउँपालिका ५ का २५ वर्षीय आर्जन थिङ रहेका छन् ।

थिङलाई हिजो बिहीवार साँझ प्रहरीले पक्राउ गरेको हो । थिङले ती महिलालाई जबरजस्ती करणी गरेको भन्ने खबर प्राप्त भएपछि प्रहरी चौकी फोक्सीङटारबाट खटिएको प्रहरीले उनलाई पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।