नेपालमा कोरोना अपडेट : थप ८४३ मा संक्रमण, ५ जनाको मृत्यु

काठमाडौं । नेपालमा पछिल्लो २४ घण्टामा थप ८४३ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पीसीआर विधिबाट ७६८ र एन्टीजेनबाट ७५ गरी कुल ८४३ जनामा संक्रमण पुष्टि भएको हो ।

योसँगै नेपालमा कुल संक्रमितको संख्या २ लाख ८३ हजार ६५८ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोना संक्रमणका कारण थप ५ जनाको मृत्यु भएको छ । नेपालमा कोभिड–१९ का कारण हालसम्म ३ हजार ७५ जनाले ज्यान गुमाइसकेका छन् ।

नेपालमा पछिल्लो २४ घण्टामा २२६ जना कोरोना संक्रमण मुक्त भएसँगै संक्रमण मुक्त हुनेको संख्या २ लाख ७५ हजार ३८ पुगेको छ । गत २४ घण्टामा नेपालमा ६ हजार ४ जनामा कोरोना परीक्षण गरिएको थियो ।