भारतमा कोरोना : २४ घण्टामा १६ सयको मृत्यु, २ लाख ७५ हजार नयाँ संक्रमित थपिए

काठमाडौं । भारतमा कोरोना संक्रमणबाट पछिल्लो २४ घण्टामा १६ सय भन्दा बढीको मृत्यु भएको छ । भने २ लाख ७५ हजार भन्दाबढी नयाँ संक्रमितहरु थपिएका छन् ।

भारतमा अहिलेसम्म एक करोड ५० लाख ५७ हजारभन्दा धेरैमा कोरोना सङ्क्रमण पुष्टि भएको छ भने एक लाख ७८ हजार सात सयभन्दा धेरैको मृत्यु भइसकेको छ । भारतमै देखिएको नयाँ भेरियन्ट, बेलायतमा देखिएको यूके भेरियन्टसहित अहिले भारतमा कोरोना भाइरसको दोश्रो लहर उत्कर्षमा पुगेको छ ।

खोप अभियानलाई तीव्र बनाएर झण्डै ११ करोड मानिसलाई खोप लगाइसकेको बताए पनि भारतमा नयाँ सङ्क्रमित थपिने क्रम दिनदिनै बढिरहेको छ । अहिले अस्पतालहरुमा अक्सिजन, औषधि र कतिपय ठाउँमा बेड नै अभाव हुन थालेको बीबीसीले जनाएको छ ।