काठमाडौं । स्पेनिश लिग ला लिगा अन्तर्गत आइतवार राति सम्पन्न खेलमा एथ्लेटिको मड्रिडले एबारमाथि ५.० को जीत निकाल्दै उपाधि यात्रालाई बलियो बनाएको छ।
घरेलु मैदान वान्डा मेट्रोपोलीटियानोमा खेलिएको खेलमा रेलिगेसन जोनको एबार माथि एथ्लेटिको भारी साबित भएको हो।
एन्जल कोरिया र मार्को लोरेन्टे ले २.२ गोल गर्दा यानिक कारस्कोले १ गोल गरेका थिए । यो जीतसँगै एथ्लेटिको मड्रिड ३१ खेलमा ७० अंक जोड्दै शीर्ष स्थानमा कायम नै रहेको छ।
एथ्लेटिको भन्दा ३ अंक पछाडि रहेको रियल मड्रिडलाई भने उपाधि यात्रामा ठूलो धक्का लागेको छ। हिजो रातिनै सम्पन्न खेलमा गेटाफे विरुद्ध रियल बराबरीमा रोकिन पुग्यो। गेटाफेको घरेलु मैदानमा भएको सो खेलमा रियलले गोल रहित बराबरी खेल खेलेको हो। रियलको ३१ खेलमा ६७ अंक रहेको छ।
यो खबर पढेर तपाईलाई कस्तो महसुस भयो ?
प्रतिक्रिया