काठमाडौं । बुन्डेसलिगामा हिजो शनिवार राती खेलिएको खेलमा बायर्न म्युनिक माइन्जसँग स्तब्ध भएको छ ।
माइन्जको घरेलु मैदानमा खेलिएको हिजोको खेलको तेस्रो मिनेटमै जोनाथन बुर्काटको गोल मार्फत माइन्जले अग्रता लिएको थियो । पहिलो हाफको ३७औं मिनेटमा क्वाइसनले गोल गर्दै माईन्जको अग्रतालाई दोब्बर बनाएका थिए ।
दोस्रो हाफको इन्जुरी समयमा बायर्नका लागि रोबर्ट लेवान्डोस्कीले सान्त्वना गोल गरे । हिजोको हार बावजूद ३१ खेलमा ७१ अंक सहित बायर्न शीर्ष स्थानमा छ ।
त्यसै गरी हिजो नै खेलिएको अर्को खेलमा वुल्फस्बर्गलाई बोरुसिया डर्टमन्डले पराजित गरेको छ । भोक्सव्यागन् अरेनामा खेलिएको सो खेलको १२औं र ६८औं मिनेटमा डर्टमन्डका स्ट्राइकर अर्लिङ हाल्याण्डले गोल गर्दै खेल पाहुना टोलीको पक्षमा पारेका थिए ।
यो जितसँगै डर्टमन्ड ३१ खेलमा ५५ अंक सहित ५औं स्थानमा छ भने वुल्फस्बर्ग ३१ खेलमै ५७ अंक सहित तेस्रो स्थानमा छ ।
यो खबर पढेर तपाईलाई कस्तो महसुस भयो ?
प्रतिक्रिया