बढ्यो जोखिम : काठमाडौंमै थपिए १६ सय बढी कोरोना संक्रमित

काठमाडौं । काठमाडौं उपत्यकासहित देशभर कोरोना संक्रमणको जोखिम बढेको छ । पछिल्लो २४ घण्टामा काठमाडौंमा मात्रै १६ सय बढीमा कोरोना संक्रमण पुष्टि भएको छ ।

पछिल्लो २४ घण्टामा काठमाडौंमा १६०२ जना, भक्तपुरमा १२४ र ललितपुरमा २४० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

त्यससँगै काठमाडौं उपत्यकामा थप १९ सय ६६ जनामा कोरोना संक्रमण पुष्टि भएको छ ।

नेपालमा पछिल्लो २४ घण्टामा थप ४३ सय ६४ जनामा कोरोना संक्रमण पुष्टि भएको छ । योसँगै नेपालमा कोरोना संक्रमितको कुल संख्या ३ लाख ७ हजार ९ सय २५ पुगेको स्वास्थ्य तथा जनसंख्या मन्त्रालयले जनाएको छ ।

त्यस्तै पछिल्लो २४ घण्टामा नेपालमा कोरोनाबाट थप १८ जनाको मृत्यु भएसँगै मृतक संख्या ३१ सय ९४ पुगेको छ ।

त्यस्तै हालसम्म नेपालमा २६ हजार २ सय २५ सक्रिय संक्रमित रहेका छन् ।