काठमाडौं। नेपाल सुपर लिग (एनएसएल) अन्तर्गत आज भएको ९औं खेलमा काठमाडौं रेजर्स र पोखरा थन्डर्सले गोलरहित बराबरीमा चित्त बुझाएका छन्।
दशरथ रंगशालामा भएको आजको खेलमा दुबै टोलीले आक्रामक फुटबल खेले पनि गोल गर्न नसक्दा खेल गोलरहित बराबरीमा सकिएको हो।
पहिलो हाफमा पोखराले सुवर्ण अवसरहरू पाए पनि गोलमा परिणत भने गर्न सकेको थिएन।
आजको खेल पश्चात पोखरा र काठमाडौं दुवैले ३ खेलमा ४ अंक बटुलेका छन्। यसै गरी गोल डिफरेन्सको आधारमा पोखरा र काठमाडौं क्रमशः तेस्रो र चौथो स्थानमा उक्लिएका छन्।
यो खबर पढेर तपाईलाई कस्तो महसुस भयो ?
प्रतिक्रिया