कोरिया जान भाषा परीक्षाका लागि ८२ हजारको आवेदन

काठमाडौं, २९ चैत । कोरिया भाषा परीक्षा (इपीएस) का लागि यसवर्ष ८२ हजार भन्दा बढीको आवेदन परेको छ ।सन् २०१९ का लागि कोरिया जान भाषा परीक्षा दिन ८२ हजार २ सय ६४ जनाले आवेदन दिएका हुन् ।यो वर्ष गत वर्षभन्दा झण्डै ७ हजार बढी युवाले कोरिया जानका लागि आवेदन भरेका छन् । गतवर्ष ७५ हजार ५ सय ८० जनाले कोरिया भाषा परीक्षाका लागि आवेदन भरेका थिए । गत चैत ९ गतेदेखि अनलाइनमार्फत आवेदन माग गरिएको थियो ।यो वर्ष कृषितर्फ ३९ हजार ६ सय ४० जना र उद्योगतर्फ ४२ हजार ६ सय २४ जनाले आवेदन दिएका छन् । त्यसमध्ये ३९ हजार २ सय ८ जना पुरुष र ३ हजार ४१६ जना महिला छन् ।