होटलमा प्रहरीले छापा मार्दा चार युवतीसहित ३९ जना पक्राउ

काठमाडौं, २६ चैत । काठमाडौंको नयाँ बसपार्क क्षेत्रका होटेल तथा रेष्टुरेष्टमा प्रहरीले छापा मारेको छ ।आइतवार साँझ महानगरीय प्रहरी परिसर काठमाडौंबाट खटिएको टोलीले छापा मार्दा चार युवतीसहित ३९ जनालाई प्रहरीले पक्राउ गरेको छ ।प्रहरीले होटेल तथा रेष्टुरेष्टमा शंकास्पद गतिविधि गर्ने ३९ जनालाई पक्राउ गरेको महानगरीय प्रहरी परिसर काठमाडौंले जनाएको छ । पक्राउ परेकामध्ये ३२ जनालाई सामान्य सोधपुछपछि अभिभावकको जिम्मा लगाइएको छ ।बाँकीलाई सार्वजनिक अपराध अन्तर्गत जिल्ला अदालत काठमाडौंबाट म्याद थप गरी अनुसन्धान शुरु गरेको छ । गोंगवुस्थित होटेलमा केही दिनअघि एक युवतीको शव भेटिएको थियो ।भुमेश्वरी होटेलको कोठा नम्बर २ सय ३ मा युवतीको शव फेला परेपछि प्रहरीले होटेलमा शंकास्पद गतिविधि हुने भएको भन्दै छापा मारेको प्रहरीले जनाएको छ ।