करेन्ट लागेर १ जनाको मृत्यु, ७ जना घाईते

धादिङ, ४ वैशाख । धादिङको थाक्रे गाउँपालिका–११ मा करेन्ट लागेर एक जनाको मृत्यु भएको छ भने अन्य ७ जना घाईते भएका छन् ।थाक्रेको महेशखोलाको पारीबाट बोरिङ गरी महादेवबेसी बजारतर्फ पानी ल्याउने पाईप झुण्डाउने क्रममा पाईपमा बाँधेको सपोट (आल्मुनियम) को तारले बिजुलीको ११ हजार भोल्टेजको तारमा छुँदा करेन्ट लागेको हो ।करेन्ट लागेर घाईते भएका झापा घर भएका ६५ वर्षीय निकी तामाङको उपचारका लागि लैजादै गर्दा बाटोमा नै मृत्यु भएको प्रहरीले जानकारी दिएको छ ।करेन्ट लाग्दा थाक्रे ६ बस्ने ३७ वर्षीय धनबहादुर कार्की, १६ वर्षीय निरज कार्की, १० वर्षीय गोपी कुलु, ४० वर्षीय सुरेश पुलु, ४० वर्षीय माईली तामाङ, गौतम तामाङ घाईते भएका छन् ।घाईतेहरुको काठमाडौंको ट्रमा सेन्टरमा उपचार भइरहेको छ । उनीहरुको अवस्था गम्भीर रहेको जिल्ला प्रहरी कार्यालय धादिङले जनाएको छ