अन्तरिक्षमा आफ्नै स्पेस स्टेसन बनाइरहेको छ चीन, निर्माणकार्य पूरा गर्न तीन अन्तरिक्षयात्री मिसनमा

काठमाडौं । चीन अन्तरिक्षमा आफ्नै अन्तरिक्ष स्टेसन स्थापना गर्न कडा मिहिनेत गरिरहेको छ। निर्माणकार्य पूरा गर्न एकपछि अर्को अन्तरिक्षयात्रीलाई अन्तरिक्षमा पठाउँदैछ ।

यसै क्रममा चीनले आज तीनजना अन्तरिक्षयात्रीलाई मिसनमा पठाएको छ । यो मिसन करिब छ महिनासम्म चल्नेछ। तीन जना अन्तरिक्ष यात्रीले चिनियाँ अन्तरिक्ष स्टेसन तियाङगोङको निर्माणकार्य पूरा गर्नेछन्।

जानकारीका अनुसार अन्तरिक्ष यात्री चेन डोङ, लिउ याङ र काई जुझेलाई शेन्झाउ–१४ अन्तरिक्षयानमार्फत अन्तरिक्षमा पठाइएको छ । यो टोलीले पृथ्वीको परिक्रमा गर्दै चीनको अन्तरिक्ष स्टेसनको निर्माण कार्य पूरा गर्नेछ। Shenzhou-14 अन्तरिक्ष यान उत्तरपश्चिम चीनको जिक्वान स्याटेलाइट प्रक्षेपण केन्द्रबाट लङ मार्च-२ एफ रकेटमा अन्तरिक्षमा पठाइएको थियो।

राष्ट्रिय अन्तरिक्ष प्रयोगशाला स्थापना गरिने : 

चिनियाँ अन्तरिक्ष एजेन्सी सीएमएएएका उपनिर्देशक लिन शिकियाङले मिसनमार्फत अन्तरिक्ष केन्द्रलाई राष्ट्रिय अन्तरिक्ष प्रयोगशाला बनाउने बताए। लिनले बताए कि Shenzhou-14 चालक दल ग्राउन्ड टोलीसँग नजिकबाट काम गर्नेछ। टोलीले दुई ल्याब मोड्युलहरूको डकिङ र ट्रान्सपोजिसन पूरा गर्न कोर मोड्युलसँग काम गर्नेछ। तिनीहरू पहिलो पटक दुई प्रयोगशाला मोड्युलहरूमा प्रवेश गर्नेछन् र वातावरणलाई बस्नको लागि उपयुक्त बनाउन मद्दत गर्नेछन्। उनले दुई मोड्युलमा एक दर्जनभन्दा बढी वैज्ञानिक प्रयोग क्याबिनेट खोल्ने र जडान गर्ने बताए ।

तीन सदस्यीय टोली अप्रिलमा फर्किएका थियो :

यसअघि, तीन सदस्यीय चिनियाँ अन्तरिक्ष यात्री टोली अन्तरिक्ष स्टेसनको महत्वपूर्ण भागहरू निर्माण गरी छ महिना बिताएपछि अप्रिलमा पृथ्वीमा फर्केका थिए। यो टोलीमा एक महिला अन्तरिक्षयात्री पनि थिइन् ।

यो वर्षसम्म स्टेसन तयार हुने अपेक्षा गरिएको थियो । सीएमएसएका अनुसार, तिनीहरूले यसको स्पेस स्टेसनको लागि प्रमुख प्रविधिहरूको प्रमाणीकरण पूरा गरेका थिए। यो तयार भएपछि चीन अन्तरिक्ष स्टेसन हुने एक मात्र देश हुनेछ।