१. राष्ट्रपतिद्वारा फिर्ता पठाइएको नागरिकतासम्बन्धि विधेयक विधायन व्यवस्थापन समितिमा पठाउने प्रस्ताव राष्ट्रिय सभाबाट स्वीकृत, विधेयकमाथि छलफल गर्न विधायन समितिको बैठक आह्वान ।
२. कांग्रेसले धेरै भाउखोजे गठबन्धन भित्रकै वामपन्थीहरुबीच मोर्चाबन्दी गर्ने माओवादी केन्द्रका अध्यक्ष प्रचण्डको चेतावनी, आफूहरुको पहिलो प्राथमिकता कांग्रेससहित गठबन्धन बनाएर जानेमा जोड रहेको प्रष्टोक्ति ।
३. अध्यक्ष केपीशर्मा ओलीको संयोजकत्वमा नेकपा एमालेले बनायो ४५१ सदस्यीय केन्द्रीय निर्वाचन परिचालन कमिटि, कमिटिमा ३४ सदस्यीय केन्द्रीय सचिवालय गठन, परिचालन कमिटिको सचिवमा विष्णु रिमाल ।
४. कर्णाली प्रदेश सरकार मा नेकपा माओवादी केन्द्रबाट सहभागी दुई मन्त्रीले दिए राजीनामा, नयाँ मन्त्रीमा कृष्णा शाह र रातो कामीको नाम सिफारिस ।
५. आगामी निर्वाचनमा गठबन्धन देशको आवश्यकता भएको नेपाली कांग्रेसका नेता डा.शेखर कोइरालाको भनाइ, जनता प्रति उत्तरदायी भएर काम छिटो गर्न सुझाव ।
६.सार्वजनिक जग्गा अतिक्रमण र नक्सापास बिनै बनाइएका भौतिक संरचना हटाउने हेटौंडा उपमहानगरपालिकाको तयारी, अवैध संरचना हटाउनेसम्बन्धि ३५ दिने सूचना निकाल्न निर्देशन ।
७. त्रिभुवन विश्वविद्यालयले आयोजना गरेको पत्रकार सम्मेलनमा अनेरास्ववियु र नेबिसंघका विद्यार्थीबीच झडप, दर्जनौँ विद्यार्थी र केही प्रहरी घाइते ।
८. ६ बुँदे मागसहित डा.गोविन्द केसीद्वारा अनसनको घोषणा, स्वास्थ्य क्षेत्र र अन्य सरोकारमा आफूले उठाएका माग सम्बोधन नभए भदौ २७ देखि अनसन सुरु गर्ने ।
९. काठमाडौंका ३२ वटै वडामा एमडी इन जनरल प्य्राक्टिस र इन्जिनियर राख्ने मेयर बालेन शाहको प्रस्ताव, फिजिसियन राख्न सकेमा स्वास्थ्यसम्बन्धी सरसल्लाह लिन र उपचार गर्न सजिलो हुने भनाइ ।
१०. नेपालमा पछिल्लो २४ घण्टामा थप २०२ जनामा कोरोना संक्रमण पुष्टि, १ जनाको मृत्यु, सक्रिय संक्रमितको संख्या ३ हजार ३ सय १३ पुग्यो ।
११. साताको पहिलो दिन नै सेयर बजारमा देखिएन गतिलो संकेत, नेप्से परिसूचकमा दोहोरो अंकले गिरावट, बजार घट्दा पनि २ अर्ब ५ करोड बराबरको कारोबार ।
१२. भारतको नोएडामा कानून विपरीत बनाइएका दुईवटा गगनचुम्बी भवन भत्काइयो, एपेक्स र केयननाम गरेका यी भवन भत्काउन ३ हजार ५ सय केजी विस्फोटक पदार्थको प्रयोग ।
१३. रुसले कब्जा गरेको आधार शिविरमा भएको युक्रेनी मिसाइल हमलामा २ सय रुसी सेना मारिए, हमलापछि रुसी सेनाले आधारको रूपमा प्रयोग गरेको होटल पूर्ण रुपले ध्वस्त ।
१४. नेपाली राष्ट्रिय पुरुष फुटबल टिमको व्यवस्थापकमा अनिल श्रेष्ठ नियुक्त, चुनौतीहरुको सामना गर्दै उत्कृष्ट प्रदर्शन गर्ने प्रतिवद्धता ।
१५. लालिगाअन्तर्गतको फुटबल खेलमा आज राती रियल मड्रिड र इस्पेनियोल भिड्दै, इस्पेनियोललाई पराजित गर्दै तालिकाको दोस्रो स्थानमा उक्लने दाउमा मड्रिड ।
यो खबर पढेर तपाईलाई कस्तो महसुस भयो ?
प्रतिक्रिया