काठमाडौं । नवौं राष्ट्रिय खेलकुद अन्तर्गत पुरुष टि २० प्रतियोगिता आजबाट सुरु हुँदैछ । आज पहिलो ४ वटा खेल हुँदैछन् । जसमध्ये दुई खेल कीर्तिपुर र दुई खेल मुलपानी क्रिकेट रंगशालामा हुनेछन् ।
नवौं राष्ट्रिय खेलकुद असोज २८ देखि कार्तिक ३ गतेसम्म आयोजना हुने भएपनि पुरुष क्रिकेट भने अगाडि नै गर्न लागिएको हो । टियु क्रिकेटमा हुने उद्घाटन खेलमा एनआरएनए टिम र सुदूरपश्चिम प्रदेशबीच प्रतिष्पर्धा हुनेछ ।
खेल बिहान ९ः१५ बजे सुरू भएको छ । टियुमै हुने दोस्रो खेलमा वागमती प्रदेश र प्रदेश १ बीच खेल हुनेछ । दुवै टोली जित निकाल्दै प्रतियोगितामा सुखद् सुरुवात गर्न चाहन्छन् । यस्तै मुलपानी मैदानमा हुने पहिलो खेलमा मधेस प्रदेश र गण्डकी प्रदेशबीच खेल हुनेछ ।
मुलपानी मैदानमा हुने दोस्रो खेलमा लुम्बिनी प्रदेश तथा कर्णाली प्रदेश खेल्नेछन् । प्रतियोगितामा तीन विभागीय,सात प्रदेश तथा एनआरएनको टोली गरी ११ टोलीको सहभागिता रहेको छ ।
यो खबर पढेर तपाईलाई कस्तो महसुस भयो ?
प्रतिक्रिया