सावित्रा भण्डारीले श्रीलंकाविरुद्धको खेल गुमाउने

काठमाडौं । साफ महिला च्याम्पियनसिपअन्तर्गत श्रीलंकाविरुद्धको खेलमा नेपाली टिमकी मुख्य स्ट्राइकर सावित्रा भण्डारी नखेल्ने भएकी छन् । डेंगु संक्रमणका कारण सावित्राले श्रीलंकाविरुद्धको समूह चरणको अन्तिम खेल गुमाउने भएकी हुन् ।

‘हिजो पजिटिभ देखियो । अहिले अवस्था सामान्य छ । होटेलमै विश्राम गरिरहेकी छु,’ सावित्राले भनिन् । चार दिनदेखि ज्वरोका कारण उनी टिमको प्रशिक्षणमा सामेल भएकी थिइनन् ।

नेपालले सोमबार साँझ साढे ५ बजे त्रिपुरेश्वरस्थित दशरथ रंगशालामा श्रीलंकाविरुद्ध खेल्दैछ । यसअघि भएको पहिलो खेलमा नेपालले भुटानलाई ४–० ले पराजित गरेको थियो ।