महोत्तरी । प्रतिबन्धित लागुऔषधसहित महोत्तरीमा दुई जना युवा पक्राउ परेका छन् । पक्राउ पर्नेमा काठमाडौंको जडीबुटी बस्ने २२ वर्षीय रवीन्द्र श्रेष्ठ र काठमाडौंकै बुढानीलकण्ठ बस्ने २७ वर्षे सनत सिवाकोटी हुन् ।
सोमवार राति बर्दिबासस्थित इलाका प्रहरी कार्यालय गौरिडाँडाबाट खटिएको प्रहरीको टोलीले चेकजाँच गर्दा उनीहरू सवार बागमती प्रदेशको २७५५ नम्बरको मोटरसाइकलमा राखिएको लागुपदार्थ फेला परेको इलाका प्रहरी कार्यालय गौरिडाँडाले जनाएको छ ।
मोटरसाइकलको सिटकोबीच भागमा कालो रङको झोला भित्र रातो रङको प्लास्टिकमा नाइट्रोभेट–१० लेखिएको २५ (पच्चिस) पत्ता, एक पत्तामा ३० चक्कीको दरले जम्मा ७५० (सात सय पचास) चक्की र अल्कोहल स्वाब टोरुण्डा दि अल्कोहल ट्याम्पिन डि अल्कोहल लेखिएको ९४ (चौरान्बे) पुरियासहित फेला पारिएको इलाका प्रहरी कार्यालय गौरिडाँडाका प्रमुख रवि रावलले जानकारी दिए ।
पक्राउ परेका दुवै जनालाई जिल्ला अदालत महोत्तरीबाट १० दिन म्याद थप गरी अनुसन्धान भइरहेको प्रहरीले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया