कपनमा एक घरमा भीषण आगलागी, एकजनाको मृत्यु भएको आशंका

काठमाडौं । कपनको राम मन्दिर नजिकै एउटा घरमा आगलागी भएको छ । ट्रेकिङ्ग अफिस र ट्रेकिङ्गमा प्रयोग हुने सामान राखिएको घरमा आगलागी भएको काठमाडौं प्रहरी कार्यालयका प्रवक्ता प्रहरी उपरीक्षक दिनेशराज मैनालीले लोकपथलाई जानकारी दिए ।

आगलागीमा एकजना जलेको प्रहरीको आशंका छ । तर, यसबारे पुष्टि भने हुनसकेको छैन । आगो नियन्त्रणमा लिन हेलिकोप्टरबाट पानी हाल्ने तयारी भइरहेको प्रहरी जनाएको छ ।

‘अहिले आगो निभाउने प्रयास जारी छ,’ मैनालीले भने, ‘घर भित्र एकजनाको मृत्यु भएको आशंका गरिएको छ, आगो पूर्ण रुपमा नियन्त्रणमा आइसकेको छैन ।’