काठमाडौं । नेपालको राष्ट्रिय टिमले यूएईसँग त्रिवि मैदानमा तीन एकदिवशीय अन्तर्राष्ट्रिय खेलको शृंखला खेल्ने भएको छ । नेपालले पहिलो खेल कात्तिक २८ गते, दोस्रो खेल ३० गते र तेस्रो खेल मंसिर २ गते खेल्ने पत्रकार सम्मेलनमार्फत जानकारी गराएको हो ।
शृंखलाका लागि यूएई टिम शनिवार राती नै नेपाल आइसकेको छ । नेपालले कप्तानका रुपमा रोहित कुमार पौडेललाई नियुक्त गरेको छ । आधिकारिक कप्तानका रुपमा रोहितको यो पहिलो शृंखला हुनेछ । त्रिवि मैदानमा गएर नेपाल र यूएईबीचको खेल हेर्ने दर्शकका लागि टिकटको मूल्य भने २०० निर्धारण गरिएको छ ।
यो खबर पढेर तपाईलाई कस्तो महसुस भयो ?
प्रतिक्रिया