काठमाडौं । नेदरल्यान्ड्स विश्वकप फुटबलको प्रि–क्वाटरफाइनलमा प्रवेश गरेको छ ।
मंगलबार राति भएको समूह चरणको आफ्नो अन्तिम खेलमा कतारलाई २–० गोल अन्तरले हराउँदै नेदरल्यान्ड्स अन्तिम १६ मा प्रवेश गरेको हो ।
अल बायात रंगशालामा नेदरल्यान्ड्सलाई जित दिलाउन कोडी गाग्पो र डी योङ–योङले एक एक गोल गरे । कोडी गाग्पोले खेलको २६औं मिनेटमा गोल गर्दै नेदरल्यान्ड्सलाई अग्रता दिलाए भने खेलको ४९औँ मिनेटमा डी योङले गोल गर्दै नेदरल्यान्ड्सलाई अन्तिम १६ मा पुर्याए ।
यस्तै नेदरल्यान्ड्सले ३ खेलबाट ७ अंक जोडेर शीर्ष स्थानमा रह्यो ।
समूह ए को विजेता नेदरल्याण्ड्सले अब अन्तिम १६ मा समूह बी को उपविजेतासँग खेल्नेछ । समूह बी अन्तर्गत आज मध्यराति इंग्ल्याण्ड र वेल्स तथा इरान र अमेरिकाबीच खेल हुनेछ ।
यो खबर पढेर तपाईलाई कस्तो महसुस भयो ?
प्रतिक्रिया