एजेन्सी । दक्षिण अफ्रिकाको दर्बानस्थित उच्च अदालत रहेको भवनमा गोली चल्दा कम्तिमा तीन जनाको मृत्यु भएको र छ जना अन्य घाइते भएका छन् ।
प्रहरीका अनुसार एक बन्दूकधारीले चलाएको गोली लागी तीन जनाको मृत्यु भएको हो भने मृतकमध्ये एक जना नगर प्रहरी रहेका छन् ।
मृतक अन्य दुई जना महिला रहेका छन् भने उनीहरूको सनाखत हुन नसकेको प्रहरीले जनाएको छ ।
आकस्मिक उद्धार सेवाकी उद्धार परिचालन शाखाकी निर्देशक गारिथ यामिन्सनले भने, “घाइते छ जनामध्ये पाँच जनालाई गम्भीर चोट लागेकाले अस्पतालमा उपचारका लागि पठाइएको छ ।
उद्धारका लागि आफ्नो टोली तत्काल घटनास्थलमा पुगेको तर घटनास्थलमा रगतको आहाल देखिएको उनले बताए । गोली भवनको पहिलो तल्लामा चलेको र उक्त स्थान शहरको उच्च अदालतनजिकै रहेको सुरक्षाकर्मीले बताएका छन् ।
स्मरण रहोस, सोही शहरमा एक जना विदामा रहेका एक प्रहरीले गोली चलाउँदा सम्बन्धविच्छेद मामिला हेर्ने अदालतमा गोली चलाई सम्बन्ध विच्छेद गरेकी आफ्नी पूर्व श्रीमती र उनका भाइलाई हत्या गरेका थिए ।
यो खबर पढेर तपाईलाई कस्तो महसुस भयो ?
प्रतिक्रिया