भारतीय वायुसेनाको विमान काश्मिरमा दुर्घटना, पाइलटको मृत्यु

एजेन्सी । भारतीय वायुसेनाको विमान काश्मिरमा दुर्घटना भएको छ भने एक पाइलटको मृत्यु भएको छ । अर्का पाइलटको पनि मृत्यु भएको आशंका गरिएको छ ।

भारतीय वायुसेनाको एउटा लडाकु विमान मिग २१ काश्मिरमा दुर्घटना भएको हो ।

भारतीय सञ्चारमाध्यमका अनुसार विमान काश्मिरको कलान गाउँमा खसेको जनाएका छन् ।

मिग २१ ले श्रीनगर विमानस्थलबाट उडान भरेको थियो । उडान लगत्तै ठूलो आवाजसहित विमान पड्किएको र खेतमा खस्यो भारतीय सञ्चारमाध्यमले जनाएको छ । 

दुर्घटनाग्रस्त विमान पूर्णरुपमा जलेको छ । 

यो सँगै अहिले श्रीनगर विमानस्थलबाट उडान र अवतरण बन्द गरिएको छ ।