सुवासलाई सुर्य नेपाल च्यालेन्ज गल्फ प्रतियोगिताको उपाधि

काठमाडौं । एमेच्योर गल्फर सुवास तामाङले सुर्य नेपाल च्यालेन्ज गल्फ प्रतियोगिताको उपाधि जितेका छन् ।

उनले सुर्य नेपाल गल्फ टुर अन्तर्गतको सुर्य नेपाल च्यालेन्ज गल्फको उपाधि शुक्रवार हात पारेका हुन् । 

रोयल नेपाल गल्फ क्लबमा शुक्रवार भएको खेलमा उनले ३ अण्डर ६५ स्कोर जोड्दै कुल ५ अण्डर २ सय ६७ स्कोर बनाएका थिए । उनले फाइनल चरणको खेलमा साविकको विजेता भुवन नगरकोटीलाई एक स्ट्रोक्सले पछि पारेका थिए । 

यो उपाधिसँगै उनी यस सिजन प्रोफेसनल उपाधि जित्ने दोस्रो खेलाडी बनेका छन् । त्यस्त्र उनी सन् २००८ पछि सुर्य नेपाल गल्फ टुरको उपाधि जित्ने कान्छा खेलाडी समेत बनेका छन् ।  

प्रतियोगितामा ३३ प्रोफेसनल र ९ एमेच्योर खेलाडीहरु सहभागि थिए ।