इन्डियन वेल्स टेनिस : फेडेरर र थिम उपाधिका लागि भिड्ने

एजेन्सी । स्विट्जरल्याण्डका रोजर फेडेरर र अस्ट्रियाका डोमिनिक थिम जारी इन्डियन वेल्स टेनिस च्याम्पियनसिपको उपाधिका लागि भिड्ने भएका छन् । 

क्यालिफोर्नियामा भएको सेमिफाइनल खेलमा स्पेनी राफेल नाडालले वाकओभर दिएपछि फेडेरर फाइनलमा प्रवेश गरेका हुन् । नाडाल क्वाटरफाइनल खेलका दौरान घाइते भएका थिए । रसियाका कारिच काचानोभसँगकौ खेलका दौरान नाडालको घुँडामा चोट लागेको थियो ।

उक्त चोटकै कारण नाडालले सेमिफाइनल खेलबाट आफ्नो नाम फिर्ता लिएका थिए । 

३२ वर्षे नाडालले जारी प्रतियोगितामा खेल्न नसक्दा दुख लागेको बताए । उनले भने, ‘मेरौ पहिलो प्राथमिकता भनेको जति सक्दो चाँडो फिट हुनु हो, आशा गरौँ चाँडै पुनः खेलमा फर्किने छु ।’ 

त्यस्तै अर्को सेमिफाइनल खेलमा अस्ट्रियाका थिमले क्यानडाका मिलोस आवनिकलाई २-१ को प्रतिस्पर्धात्मक सेटमा पराजित गर्दै अघिल्लो चरणको यात्रा तय गरे ।

उनले रावनिकलाई पहिलो सेटमा ७-६ र अन्तिम सेटमा ६-४ ले पराजित गरे । तर, दोस्रो सेटमा भने रावनिकले थिमलाई ७-६ पराजित गरेका थिए । 

 

यो खबर पढेर तपाईलाई कस्तो महसुस भयो ?