काठमाडौं । अमर सिंह राई र कालिदास राईको जोडीले मानभवन ब्याडमिन्टन क्लब अन्तर सदस्सीय ब्याडमिन्टन प्रतियोगितामा विजयी शुरुवात गरेका छन् ।
मानभवन नरपार्कस्थित ब्याडमिन्टन कोर्टमा शनिवार पुरुष युगलतर्फ अमर सिंह र कालिदासको जोडीले निरन प्रसाद राई र ज्योति प्रकाश पाण्डेको जोडीलाई पराजित गरे । दोस्रो चरणमा प्रवेश गर्ने क्रममा अमर सिंह र कालिदासको जोडीले निरन र ज्योतिको जोडीलाई २१–१४ र २३–२१ को सेटमा पराजित गरे ।
त्यस्तै उद्घघाटन खेलमा लोकेन्द्र जेरो किराँती र बिक्रम महर्जनको जोडीले जित हात पारे । लोकेन्द्र र बिक्रमको जोडीले जय प्रसाद राई र सुर्य पोखरेलको जोडीलाई २१–१५ र २२–२० को सेटमा पराजित गरे ।
मानभवन ब्याडमिन्टन क्लबको आयोजनामा जारी प्रतियोगितामा पुरुष एकल र युगलको स्पर्धामा प्रतिस्पर्धा भईरहेको छ । प्रतियोगिता चैत २३ गतेसम्म संचालन हुने आयोजकले जनाएको छ ।
प्रतियोगिताको विजेताले नगदसहित ट्रफी, मेडल र प्रमाणपत्र प्राप्त गर्ने क्लबका सचिब लोकेन्द्र जेरो किराँतीले जानकारी गराए ।
प्रतियोगिताको उद्घघाटन ललितपुर महानगरपालिकाका पाँच नम्बर वडाको सदस्य विकासमान श्रेष्ठले गरेका थिए । कार्यक्रममा राष्ट्रिय गीतका रचनाकार ब्याकुल माइला, नेपाल इन्भेष्टमेण्ट बैंकका सीईओ ज्योति प्रकाश पाण्डे लगायतको उपस्थिति रहेको थियो ।
यो खबर पढेर तपाईलाई कस्तो महसुस भयो ?
प्रतिक्रिया