सिरी ‘ए’ फुटबलमा युभेन्ट्सको साँघुरो जीत

एजेन्सी । इटालियन लिग सिरी ‘ए’ फुटबलमा युभेन्ट्स विजयी भएको छ । 

आफ्नो घरेलु मैदानमा शनिवार राति भएको खेलमा युभेन्ट्सले इम्पोलीलाई १-० गोल अन्तरले हराउँदै साँघुरो जीत निकालेको हो । पोर्चुगिस स्टार स्ट्राइकर क्रिस्टियानो रोनाल्डो बिना नै मैदानमा उत्रिएको युभेन्ट्सले इम्पोलीविरुद्ध कठिन जीत हात पारेको हो ।

युभेन्ट्सका लागि मोइस किनले खेलको ७२ औँ मिनेटमा गरेको एक मात्र गोल निर्णायक बनेको थियो ।  जितपछि युभेन्ट्सले जारी लिगमा १८ अंकको अग्रता लिएको छ ।

 युभेन्ट्सले २९ खेलबाट ७८ अंक बनाएको छ । त्यस्तै ६० अंकका साथ नपोली लिगको दोस्रो स्थानमा छ ।