सुमन दोश्रो चरणमा पराजित

काठमाडौं । जर्मनीमा भएको अराजावा कप अन्तर्राष्ट्रिय कराँते च्याम्पियनसिपमा नेपालका सुमन तिम्सिना दोश्रो चरणमा पराजित भएका छन् ।

पुरुष एकल कातामा सुमनले पहिलो चरणमा जर्मनीका खेलाडीलाई पराजित गरी दोश्रो चरणमा प्रवेश गरेका थिए ।

दोश्रो चरणमा त्यत्ति नै अंक अन्तरमा त्यही राष्ट्रका खेलाडीसंग सुमन चुके । उनको स्पर्धामा विभिन्न राष्ट्रका २५ खेलाडीले प्रतिस्पर्धा गरेको बताइएको छ ।