काठमाडौं । आगामी जेठ अन्तिम सातामा छैटौँ महिला तथा सातौं पुरुष राष्ट्रिय विच भलिबल प्रतियोगिता हुने भएको छ ।
नेपाल भलिबल संघको आयोजना र कास्की जिल्ला भलिबल संघको व्यवस्थापनमा हुने यो प्रतियोगिताको सम्पूर्ण खेल पोखरामा हुने आज ‘आइतवार’ पत्रकार सम्मेलनको आयोजना गरि जानकारी दिइयो ।
यो प्रतियोगितामा ७ प्रदेश र ३ विभागीय क्लबका २० महिला र पुरुष गरि ४० टोलीको सहभागिता रहने छ । यसै प्रतियोगिताबाट उत्कृष्ट खेलाडीहरुको छनोट गर्दै राष्ट्रिय टोलीको चयन गर्ने पनि पत्रकार सम्मेलनमा जानकारी दिइयो ।
प्रतियोगिताको महिला र पुरुष विजेताले समान ३०-३० हजार, दोस्रो हुने टिमले २० हजार तथा तेस्रो हुने टोलीले १० हजार रुपैयाँ प्राप्त गर्नेछन् ।
यो खबर पढेर तपाईलाई कस्तो महसुस भयो ?
प्रतिक्रिया