टर्च रिलेमा सहभागी भइन् चिनियाँ च्याम्पियन

काठमाडौं । चीनको बेइजिङ शीतकालीन ओलम्पिक च्याम्पियन गु आइलिङले पश्चिमी फ्रान्सको लोयर–एटलान्टिक विभागमा पेरिस ओलम्पिक खेलको टर्च बोकेर पेरिस २०२४ को टर्च रिलेमा भाग लिने पहिलो सक्रिय चिनियाँ खेलाडी बनेकी छन् ।

हिजो बुधवार गुले ओलम्कि टर्च बोकेर अरु सँगै टर्च रिले थिइन् । ‘म हाल फ्रान्सको लोइरे नदीको छेउमा छु, भर्खरै टर्च रिले पूरा गरेको छु । म अझै पनि यो कार्यक्रममा भाग लिन एक युवा खेलाडीको रूपमा यहाँ आउन पाउँदा धेरै उत्साहित र धेरै खुसी छु, भनिन् ।

प्रत्येक टर्च रिले जस्तै, यो कार्यक्रमले ठूलो संख्यामा स्थानीय बासिन्दाहरूलाई आकर्षित गर्यो जो टर्चवाहकहरूलाई शुभकामना दिन आएका थिए । फ्रीस्टाइल स्की विश्व च्याम्पियनले वातावरणले उनलाई गहिरोसँग उत्प्रेरित गरेको छ, जसले उनलाई टर्चबियरर हुनुमा अझ गर्व लागेको बताईन् ।

‘मैले सडकमा केटाकेटी, बुढाबुढी र बच्चाहरूलाई पनि आफ्ना आमाबुवाको काखमा बसेर हामीलाई नियालीरहेका देखेँ । तिनीहरूबाट, मैले ओलम्पिक र खेलकुदप्रतिको उनीहरूको रुचि र जोश महसुस गर्न सकेँ । मलाई लाग्छ यो पनि ओलम्पिक भावनाको एक हिस्सा हो ।

२० वर्षीय यी खेलाडीले सन् २०२२ को बेइजिङ शीतकालीन ओलम्पिक खेलहरूमा चीनका लागि दुई स्वर्ण र एउटा रजत जितेकी थिईन् । टर्च रिलेको समयमा, गुले बारम्बार छ नम्बरको प्रतिनिधित्व गर्ने संकेतको इशारा गरिन् । उनले पत्रकारहरूसँग भनिन्, चिनियाँ समकालीन स्लैंगमा छ को अर्थ अद्भुत हुनु हो । चिनियाँ भाषामा निउको अर्थ गाई हो । जसलाई उत्कृष्ट वा प्रभावशाली मानिन्छ ।

‘म चीन अद्भुत छ, र चिनियाँ खेलाडीहरू पनि उत्कृष्ट छन् भनेर देखाउन यो इशारा प्रयोग गर्न चाहन्छु । म विशेष गरी चिनियाँ खेलाडीहरूले अर्को महिना हुने ओलम्पिकमा उत्कृष्ट नतिजा हासिल गरेको देख्ने आशा गर्छु, गुले भनिन् । उनले पक्कै पनि ओलम्पिक हेर्न पेरिस पुग्ने वाचा पनि गरिन् ।

स्ट्यानफोर्ड युनिभर्सिटीमा उनको सेमेस्टर समाप्त भएपछि, गुले टर्च रिलेको अघिल्लो दिन फ्रान्समा दश घण्टा भन्दा बढी उडान गरिन् र विमानमा आफ्नो अन्तिम कार्यहरू पूरा गरिरहेकी थिइन् ।