जुवातास खेलिरहेको अवस्थामा १० जना पक्राउ

काठमाडौं । जुवातास खेलिरहेको अवस्थामा १० जना पक्राउ परेका छन् ।

काठमाडौंको बुढानिलकण्ठ नगरपालिका–११ खरिबोट प्रगति चोक डेरा गरी बस्ने काठमाडौं महानगरपालिका–६ घर भएका ७२ वर्षीय रमेश लामाको कोठामा जुवातास खेलिरहेको अवस्थामा लामासहित १० जनालाई शनिबार दिउँसो प्रहरीले पक्राउ गरेको हो ।

प्रहरी प्रभाग कपनबाट खटिएको प्रहरी टोलीले उनीहरूलाई नगद १ लाख ३६ हजार ५ सय रूपैयाँ, ६ बुक तास र ३७ थान क्वाईन सहित पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको छ ।