भारतीय स्कारपियोबाट अवैध सालको काठ बरामद

काठमाडौं । रौतहटबाट अवैध सालको काठ बरामद भएको छ । चन्द्रपुर नगरपालिका–६ बेलडिस्थरबाट एच १४ सी ८६९७ नम्बरको भारतीय स्कारपियोबाट प्रहरीले काठ बरामद गरेको हो ।

विशेष सूचनाको आधारमा खटिएको प्रहरी टोलीले उक्त गाडि चेकजाँच गर्ने क्रममा लुकाइछिपाई राखेको अवस्थामा काठको गोलिया ५ थान बरामद गरेको हो ।

काठ र सवारी साधनलाई नियन्त्रणमा लिई आवश्यक कारबाहीको लागि डिभिजन वन कार्यालय चन्द्रनिगाहापुर रौतहतमा दाखिला गरिएको छ ।