विद्यालयको बसको ठक्कबाट साइकल यात्रीको मृत्यु

काठमाडौं । मोरङमा विद्यालयको बसले ठक्कर दिँदा साइकल यात्रीको मृत्यु भएको छ ।

रङेली नगरपालिका–२ चेका पुलमा अरनिको आवासीय माध्यमिक विद्यालयको बसले आज बिहान ठक्कर दिँदा साइकल यात्रीको मृत्यु भएको हो । मृत्यु हुनेमा धनपालथान गाउँपालिका–३ मायागन्जका ५५ वर्षीय जगन्नाथ ठाकुर रहेका छन् ।

बसको ठक्करबाट गम्भीर घाइते भएका ठाकुरको उपचारका लागि रङेली अस्पताल पुर्‍याउन साथ चिकित्सकले मृत घोषित गरेको प्रहरीले जनाएको छ ।

बस र चालकलाई नियन्त्रणमा लिई घटनाको अनुसन्धान सुरु गरिएको छ ।