ढलमा बेपत्ता भएकी महिला मृत फेला

काठमाडौं । बाटो हिँड्ने क्रममा वर्षाका कारण ढलभित्र छिरेर बेपत्ता भएकी महिलाको शव फेला परेको छ ।

काभ्रेको धुलिखेल नगरपालिका–४ श्रीखण्डपुरमा मंगलबार बिहान ढलभित्र छिरेर बेपत्ता भएकी रामेछापको खाडादेवी गाउँपालिका–३ घर भई हाल पनौती नगरपालिका–५ नैकिनटार बस्ने ५० वर्षीया भगवती भागदास मृत अवस्थामा फेला परेकी हुन् ।

ढलको मगलभित्र छिरेर बेपत्ता भएकी भागदासको प्रहरीले खोजतलास गर्ने क्रममा बगाएको स्थानबाट करिब ३ सय मिटर तलबाट शव भेटिएको प्रहरीले जनाएको छ ।