इटालियन पेस्तोलसहित एक जना पक्राउ

काठमाडौं । झापामा इटालियन पेस्तोलसहित एक जनालाई प्रहरीले पक्राउ गरेको छ ।

दमक नगरपालिका–५ बानेश्वर हाईटस्थित सडकबाट मेड इन इटालियन लेखिएको पेस्तोल १ थान र म्याग्जिन २ थान सहित एक जना पक्राउ परेका हुन् ।

पक्राउ पर्नेमा सोही नगरपालिका–८ बस्ने ३६ वर्षीय संजिव गजमेर रहेका छन् । इलाका प्रहरी कार्यालय दमकबाट खटिएको प्रहरी टोलीले को.३८ प ५६४९ नम्बरको स्कुटरलाई जाँच गर्ने क्रममा स्कुटरको अगाडि सामान राख्ने खाली भागमा लुकाई छिपाई राखेको उक्त हतियार फेला पारी गजमेरलाई सोमबार बिहान पक्राउ गरेको हो ।

यस सम्बन्धमा प्रहरीले आवश्यक अनुसन्धान गरिरहेको छ ।