बन्चरो प्रहारबाट छोराद्वारा बुबाको हत्या

काठमाडौं । सिन्धुलीमा आफ्नै बुबा ६० वर्षीय लालबहादुर घिमिरे विकको हत्या गरेको अभियोगमा छोरा पक्राउ परेका छन् ।

पक्राउ पर्नेमा हरिहरपुरगढी गाउँपालिका–७ पन्थचौरी लामपात बस्ने २१ वर्षीय अमृत घिमिरे विक रहेका छन् ।

प्रहरी चौकी क्यानेश्वर र इलाका प्रहरी कार्यालय कपिलाकोटबाट खटिएको प्रहरी टोलीले अमृतलाई बन्चरोसहित पक्राउ सोमबार राति पक्राउ गरेको हो ।

अमृतले लालबहादुरलाई सुतेको अवस्थामा बन्चरो प्रहार गर्दा उनको घटनास्थलमै मृत्यु भएको प्रहरीले जनाएको छ ।

यस सम्बन्धमा प्रहरीले आवश्यक अनुसन्धान गरिरहेको छ ।